كانت حبيبتي

كانت حبيبتي بجد ...... كانت في حضني هنا

مليا الحياة بالفرح ...... ملياها حب و هنــا

كانت عنيها بحر ...... و رموشها شط و سما

و الضحكة ضي القمر ...... و ايديها لمسة دفا

وياها حلم العمر ....... و هواها جرح و شفا

*******
كانت حبيبتي بجد ....... في عنيها اجمل وعـد

كانت ملاكي و منيتي ...... و طيبتها ملهاش حد

في لقاها تضحك دنيتي ...... و انسى الكلام و الرد

من نبع الهوى نرتوي ...... و نطير لأبعد حــد

نسكت و يطول السكوت ....... و كلامنا ما بيتعد

*******
كانت حبيبتي بجد ...... وياها بسمع ضحكة الايـــــام

و ان مرة طال بعدنا ....... بيكون لقانا بعدها ولا الاحــلام

نحلم نطير في السما ....... و نكون سوا لو حتى بيننا خصام

و في مرة طال بينا الفراق ........ و بقت احلام العمر اوهام

و بعدنا و كل الكلام اتنسى ........ و معدش غير ذكرى وآلام